A curto prazo:

• Crear unha banda de música de alto nivel.

• Interpretar repertorio novidoso, vanguardista e esixente, escrito orixinalmente para banda de música.

• Brindar a oportunidade aos músicos formados na contorna de Vigo e no resto da comunidade de traballar con directores/as e solistas de recoñecido prestixio.

• Dar ao público a oportunidade de coñecer novo repertorio bandístico.

A longo prazo:

• Converter a BFV nun referente nacional de calidade e bo facer.

• Promover a impartición de cursos e sesións formativas a cargo dos directores/as e solistas convidados/as pola BFV.

• Participar do entramado formativo musical da cidade colaborando con conservatorios, escolas de música e outras institucións.

• Fomentar a creación de música para banda mediante encargos aos compositores/as máis relevantes do panorama bandístico nacional.